Uuhokololo uupe

Omasipa omanene Part 26. . Franstheauthor, 02 January 2016 06:06. gumwe a tyakosha.

Kambonde okwa kala ta nyulukuta ,kali nande a hala okukala omutumba a tegelele okasamane hono sho keya kuye e ka lombwele shoka shili momadhiladhilo ge.Okasamane peha lyo ku yamukula mbala okayolo manga.Iindjola yako ihayi kala nande yandjanga ,nohayi uvitha omuntu nayi.Sho kamana okayamukula Kambonde ta ka ti”Ando ngaa mpono owulu nale kaandjeni to tala kutya okamwanyoko oto ka dhipaga ngiini ,esiku lyangula shampa lyapuko inoo etelandje omutse oshowo ombinzi yako otandi ku dhipaga ngame mwene ,shino onde shi ku lombwela nale notandi shi ningi oshoka kuna mikalo ,ando owali tolongele kumwe nangame ando onde ku sile ngaa ohenda ashike paife owahala oku ulikilandje kutya ngweye omulumentu ,uulumentu woye hamombala yandje nande ,inodhimbwa kutya kehe ngaa mpoka toyi ondi ku wete ,shampa wayi koonganga ito kwathelwa oshoka ngame omuhona gwawo ,oweshi mwene peni omuhona ta tidhwa miilonga komuniilonga gwe?longitha nawa oshitse shoye Mr Minister,hahahah”Osho okasamane kayamukula Kambonde ngaaka.Iihuna shili ,Kambonde paife omwenyo gwe oguli moshiponga ,dhokomandoloma kadhipowe ashike paife opuna dhokomawendo oshoka ngele inadhipaga okamwayina okuna ku dhipagwa.Okasamane ine ka yamukula we ,okwi ipuku owala komutse etayi kondunda ye a ka tale iipatululo yohauto ,okuna okuhinga ashune komukunda,okuna oku ka dhpaga okamwayina.Inahala nande okusa ye okwa hala woo okuninga oMinister yiimaliwa opo a lye nawa.Okwa adha okanangula ha ha lala nako ke mu tegelela ,sho ke mu kwata mokwaako okwe ka inaga e te ka lombwele kutya kena manga ethimbo lyoshihole shako shombiliha.Eyamukulo ewinayi unene ,okakadhona okadhengwa pomutima kulyo.Okali kena omukumo kutya Kambonde okuka hole ashike paife sho ka inagwa e ta ka lombwelwa ngawo oka uvu nayi.”Mumati gwandje”Osho ha ke mu ithana .Nako inaka tokoka nande nawa ota ka ka lala nomuntu kaakeshi nedhina lye ngiini.Oh oshimaliwa osho shina unene oshilonga kuko ,kakena nedhina lyomuntu shampa owala ombaanga yako yu udha ota ka kala owala ka nyanyukwa.Kambonde mondunda okwa zimo te endelele u uka kohauto ,okwali ta tala konima ,ta tala ngele okakadhona oke mu landula “Shampa kapiyagana onde ka tula enkawa ngaaka ,enkawa eshona nokuli ,otandi ka tula owala ongonyo yoyene”Osho Kambonde iipopile momwenyo ngaaka.Osekonde ashike yimwe yapitipo ye kakadhona oti ipushula nale omavi moshipala omanga a tala oLand Cruiser yaKambonde ta yi thigipo ehala.Omumentu okuna ongonyo ombwiinayi ngiini ,Kakadhona kali nande e yi tegelela naKambonde ye mwene kali eshishi ngele otayi kwata ashike sho tuu a mono kutya oke mu landula nokeli popepi ,okwa tanauka kashona ye ote ka dhenge yimwe pokati komeho ko opevi.Okena elago inaaka dhengwa keyulu lyako oshoka ando oka tiliganeka ombala yo yageelwe ngaa.”Piii piii”Omahauto kopate ota ga hale oku ipuna mumwe omolwa Kambonde ngoka a nukileko inaashi tegelelwa”Omwakolwa ano nenge omwahala kutya opate ndjino oyaayeni”Osho Kambonde iigidha ngaaka omanga a pitithamo onyala ye yu ulika nomunwe ngoka ngele we gu ulike omuntu kukala ngaa inoodhengwa.Okuza kombala toyi kopate okokule kashona ashike Kambonde ohauto okwali e yi manako.Sho a mono kutya okwa hinga oshinano oshile ,okwa kutha ongodhi ye e ta dhengele Nam’tenya ,okamwaina kadhona hoka a lombwele kutya na ka zale oshoka okwa hala yaye pokuma.Nam’tenya okwa zala mbala ,okwali a nyanyukwa nayi oshoka opwa pita iiwike inaamona mumwayina.Kambonde ohauto oye mwene ,omahooli nga hayi nu oye mwene he ga tulamo onkene okweyi lyata sigo opaandjawo yaNam’tenya.Megumbo inayamo nande ,okwa ithana mo owala Nam’tenya e ta ya yi.Manga yeli mondjila yu uka kondoolopa ,Kambonde okwa lombwele aamentu ye mboka aadhika a konga yi ilongekidhe.Aamentu oya adhika nale oondjembo ye dhi tula komililo ,ya tegelela wala okumona oLand Crusier ndjoka ya lombwelwa”Oyondjo tayi zi ho”Gumwe gomaamati osho a lombwele yakwawo ngaaka omanga ta ende uuka mopate.Kambonde okwa tala okamwayina e ta ti”Aanima mbano oyahala shike oshili ,yo ondjembo yandje kandiyina mo mohauto paife”Sho ashike athikama oshoka oyu ulikwa omulungu gwondjembo ndjono yatsina yeNam’tenya ota thanganya nale. Aamentu oya fadhuka po.Kambonde okwa tula oothige moshipala e ta popi ta ti”Ombili nkelo ,iimaliwa ndahala”. Tega nduno ohauto yu matuke shimwe inaashi monika nande onale.Aapolisi yamwe aadha mondjila okwe ya pitilile ando ye mu landule ,okwa ya nale kokule.Kombala okwa ka thika ko etango lyaningina nale ,omilema dha holoka,kadhishi nande ndhi e li mudho ashike odhetango lyakapa oyana.Sho ta thikameke ohauto okwa mono okasamane oshowo aantu yako tayeya kuye oyali ta ya hakele omake yo ta ya popi taya ti”Osho oshilumentu shoka”.Oh aanima mbano oshili oyena eha lyawo moheli.Kambonde a dhipaga okamwaina ndele otaya ti osho oshilumentu ,ohenda shili.”Onda kala nale ndishishi kutya iilonga owuna okuyi longa nawa,onde ku pandula ongula ngele kwashi ondahala ndi ku mone opo ndi ku longekidhile ondjila yoye yokuupuna mboka nagweye mwene to ka nyengwa okuwu longitha oshoka otawu kala owundji.Ioonkondo tandi kupe oto vulu okuya kehe mpoka wahala e to pula omwaalu gwoshimaliwa wahala nowuna okushi pewa ,kutya nee okoSouth Africa,oohauto dhondilo otokala holanda ngaashi wahala ,tolanda wafa tolanda uuleke wothilinga ,oondhilla nadho ngele owahala oto vulu okulanda oshoka oshimaliwa opo shili lela ,oofalama ah iinima oyindji otandi yu ku lombwele ngula ,nena otandi longi owala opo okamwaanyoko kaake ku galukile oshoka aantu yamwe kayehole okudhipagwa onkene ohaya galuka ye ye ya piyaganeke mboka ye ya dhipaga ,ngame omutse owala ndahala oshowo ombinzi olutu ngiika otandi lu gandjapo ngaa kaakulupe yandje yomethitu ,ondi inekela kutya onyama ndjino otaye yi panda oshoka oyo ka gundjuka. Nam’tenya a kana owala ngaaka,kegumbo kapuna ngoka eshishi kutya okwaya peni ,kapuna ngoka a mona ohauto yaKambonde ndjoka ye mu ilemo ,okasamane sho nduno nkena omankondo gako ganingila nayi ,okadhimipo oonyolo dhohauto keli owala kombala yako.Aantu oyali ya lulilwa nayi ,ya lulilwa oshoka Nam’tenya iha endagula.Onkelo oyili mondjila yu uka kegulu ,yadhipagithwa kumumwayina ngoka a hala oonkondo oshowo omamaliwa ogendji.Kambonde okwahala okuninga oMinister yiimaliwa opo nduno a mone opoosa ndjino okuna okulonga shoka a tumwa.”Itale ndi ka dhanene omeya manga metemba mwiya”Osho Kambonde iipopile ngaa konima sho okasamane naantu yako yashuna yatumba omudhimba gwaNam’tenya.Kambonde ini iyoga oye awike ashike okwi iyogo nokanangula ngaa ke ha athigile a dhenga ongonyo ,oka galukile kuye sho e ka lombwele kutya okwali monkalo ombwinayi. Natangwe haye nande a li monika kuKambonde mombala ,pomukunda sho a li inaa monika po omasiku gamwepo ,okwali a ya kofaalama ye ndjoka opo a landa ,nokuli okwa ekelapo etemba ekwawo natango.Okwa landa oRange Rover ndjoka opo yapiti.Omukunda okwe gu kwatako ngaa nee manga Kambonde te ya.Natangwe okuli pokuhokana okakadhona ke kokanandjamba ha ka longo osikola.Esiku e ka mona olyo esiku adhimbwa Taatsu yaNendongo. ... Tsikila okulesha.

Omasipa omanene Part 25. . Franstheauthor, 30 December 2015 12:59. yeli 20 ya tyakosha

Omuntu a tumwa omutse nombinzi yamumwayina ,ah okuna kukala ageya shinene,paife oku uvite nonawa shaashi Kakondo adhipagwa oshoka aniwa oye e mu e ta kokasamane ha.Etokolo Kambonde e na kuninga enene ,okutya ngaa inahala okuya komandoloma ye inahala okudhipaga okamwaina.Omolwashike uuyuni wuli ngeyi ,oomwenyo dhaantu odhili moshiponga molwa owala yamwe yahala okuninga iipuna.Kambonde mohoola okwa zimo e ta shuna kondunda ye a pusha”Oshili oshisamane shino oshigoya ngaa ,omolwashike inaashi pulandje nande omutse gwa Natangwe nee ye oye omutondi gwandje ,ondishi aniwa ohashimono uudhigu kehe ,oshali shina okumona uudhigu wandje mbu unene ,aye itandi kotha nande nena nokuli andiya ndishune ko kuko ndi ke ka lombwele kutya onda hala Natangwe oye adhipagwa ,okamwameme itandi vulu oku ka dhipaga ngame woo ondahala okuninga oMinister”Osho Kambonde iipopile ngaaka ,omanga ta tanauka ashune kohoola hoka yali ta ya lile.Okasamane omo e ka adha ashike okwa adha keli pokuzamo naasho e ka lombwele kutya okwa hala okupopya nako ,oke mu lombwele a popilile oshoka kakena naanaa ethimbo naye.”Nangame kandina ethimbo nangweye ,oshilonga wapandje tatekulu oshidhigu nangweye ouna kukala wushishi,itula moongaku dhandje mani ,ando ongweye nee watumwa omutse gwonkelo yeni oto gu e ta shoshili”Kambonde osho a lombwele okasamane ngaaka. Okasamane oke mu tala nomeho gamwe ganika oshiponga ,omeho gapwamo lela ,shino oshali tashi ulike kutya oke mu geela.Nkene e l iota popi ngaashi a hala komeho gomukuluntu.”Tala ngame inandi ku ithana ko hu ,ongweye mwene wa tokola,shi nde ku tuma osho ndahala nongele inoshi e ta otashi vulika nokuli paife ndi ke ku dhipage oshoka owuna ondhino”Okasamane sho ka yamukula ngawo okathikama e ta ka ende ta ka talele Kambonde mooha.Ombanda yevi ndjoka oyina aantu oyendji haya ningi omapuko ,Kambonde ogumwe gomuyo ,epuko enene aninga okuya kokasamane ha.Okasamane kaakena henda,okasamane kehole oombinzi dhaantu.Mohoola inazamo we mbala ,okwa kala ta dhenge oongonyo moshitaafula ,okuuvite nayi ,ombili moshipala ye kayali nande ta yi monika mo.Iipundi okwa tameke ta thangagula ashike okwa ka ngungumana sho uuvu ewi ta li mu lombwele kutya natakamithe ngaa oshoka ngele okwa tsikile nokuhanagula iinima otayi momanyami.Okwa thikama e ta shuna kondunda ye a ka tale kutya otaningi po shike”Iinima kayina shoka hayi ningi wani ,Nam’tenya ngele otasi nase owala ondi inekela kutya ota dhiminendje po,onda hala oku tula edhina lyofalimi yetu mokaalita onkene okuna oku kwathelandje nombinzi ye oshowo omutse gwe ,naye mwene okuna kukala eshishi kutya itashi kala nande oshinima oshiwanawa okukalya moondoloma,maala oh aaye yo nduno aakuluntu yetu otaya tilendje ngiini mpa yeli ,tate ngele oku uvitendje paife ngeyi okuna kukala ta nyenyeta ,uuvite nayi omolwa tandi gandja omunona koshisamane shi”Kambonde okwafa a ninga etokolo ,iitya ye itayi ulike kutya okwahala okugandja omutse nombinzi yokamwayina.Ando okwali ngaa tatsu ondjondhi ando pamwe hwepo ,kali nande tatsu ondjodhi ,okwa tonata nawa ,okushishi shoka ta ti.Molwaasho otundi oyali tayi endelele ,okwali kwa toka nayi onkene okwa nukile pombete e ta kotha.Okwa ka penduka pondatu a dhiladhile nawa ,ethimbo ndino okwa tokola a kondje ,a kondjithe okasamane naantu yako ayehe ,okwayi mohauto e ta kutha ondjembo ,sho nduno ta tulamo iikuti ,okwa kwatwa koomposi oondhigu ndhono dhe mu kondjitha a kothele mohauto.Ongula sho kwashi ,okwa penduka netokolo lyotango ,lyokudhipaga okamwayina.Ndi lyo ku kondjitha okasamane e li dhimbwa.Oshikumithi nayi oshoka kali nande te li dhimbulukwa no ku li dhimbulukwa.Ngiika oombepo dhokasamane dhe mu adha.Okasamane okali ta ka vulu okushendja etokolo lyako ashike molwa ombinzi aniwa ndjoka yapwamo mombala itaka vulu okushendja onkene Kambonde okuna okuninga shoka kahala.”Andiya owala ndi ka lombwele okasamane kutya onda tokola ndamana kongula okokule unene ,ondahala ndi kwathelwe nena”Osho Kambonde iipopile ngaaka ye ta matuka u uka kohoola hu yalile ongulohi.Ementu lyomakesho oko e li adha nokuli olyo a li a hala okumona ,okwe li lombwele kutya okwa hala okumona omuhona.”Wahala kumona omuhona?”Ementu ta li pula. “Eeno ,ondahala okumona omuhona gweni ,osha endelela ,mukwetu inda wu ke mu lombwele”Kambonde ta yamukula. Ementu olya zimine e ta li ka lyata omapadhi galyo pevi lyu uka kondunda yokasamane. ... Tsikila okulesha.

Omasipa omanene Part 24. . Franstheauthor, 29 December 2015 14:22. yeli 32 ya tyakosha

“Ouli mondjila kehole kutala etanga megumbo shoshili ,onda limbililwa owala oshoka manga inaandiya kohotela yandje onda yi manga mondoolopa ndi ka tale mo kutya omuli ngiika ,tandi mono nduno omuntu a fa Natangwe ,onda kala nda limbililwa itashi vulika e ye ko huka”Osho Kambonde a ti ngaaka. “Mhhh ,owahala kutya ngiini ,Natangwe itavulu okuya ko hono ,owe mu lombwela kutya ineya ko nenge owahala kutya ngiini ,Kandihole we ngaa shili Natangwe ndele otandi popile kutya ota vulu okuya kehe mpoka a hala”Taatsu natango ta yamukula. Kambonde kehole nande oohapu odhindji ,ye inahala woo oku nyenyeta naTaatsu gwe.Dha Kambonde okwe dhi dhimipo e ta lombwele Taatsu kutya ote ki iyoga manga inaa ku toka.Kakadhona ngu a lala naye ongulohi kondunda yawo kali nande ta tsamako ,okwa hala okukala mekolo lyaKambonde ,okwa hala okukala mekolo lyekenge Kambonde ,omumentu nga a landa ohauto ndjoka inaayi landwa kaantu oyendji moshilongo.Kakadhona okuwete ehole Kambonde kashona ,oku wete ngele oya popi otashi vulika ya ka kale ngaa yena pos ha uuna ya ka zamo mombala yokasamane.Mombala moka muna oondunda dha lekwa omitse dhaantu ,mombala ha mu nuwa ombinzi yomuntu.Ombala yafa peni ndjino ,oya pumbwa oku hanagulwapo oshoka otayi yonitha aantu oyendji nayi.Iigwana oyindji oya yona ,ya yona koshipala shaangu e ya shita,Tate Kalunga .Okudhipaga ondjo ,aantu oyendji oyeshishi ngele aayehe ,ndele yamwe ohaya itayele oku ka dhipaga opo yap ewe uupuna koshisamane shi sho tashi nu nduno ombinzi.Ohenda onene .Esiku lyokufuta onali ka thika ngaa opo shi mone kutya iinima mbi sha ningitha aantu kaishi nande iinima yokolela ndele iinima ta yi teya po oonkalamwenyo dhaantu.Mondoolopa yaShikango omuna omusamane hali momandoloma ,omusamane a ninga omupwidhi.Iilonga yokasamane.Omupwidhi nguno oh kutya omusamane nguno manga inaaninga omupwidhi ,okwali a hala okuninga oshipuna.Okwali a hala oshako yakola lela ,ombaanga yu udha oshimaliwa sho nduno a tseya okasamane hano okwa yi ku ko opo ke mu kwathele ,ngono e mu lombwele kutya ohaka gandja uupuna okwa li e mu lombwela kutya oha ka galikana owala ngweye owapewa uupuna woye ngaaka.Hasho nande shali,okasamane nokugalikana kakeshishi ,edhina lyaTate Kalunga iha ke li tumbula.Ngele ta ka galikana oha ka galikana ka tala moshinima oshiluudhe ,mpa to ti oshingulu ,mpa to ti ompinda ,omathimbo gamwe kukala ngaa inootya ondoongi mpa tashi kumitha uuluudhe washo mboka wafa uusiku omulongo watulwa kumwe.Omilema ndhoka odhindji nayi,ohaka tsu nduno oongolo e ta ka galikana.Yeses omutondi okwa lunduka.Okwa hala oku galikanwa ,okwa hala oku uva aantu ta ya popi kutya oye omunene evule Kalunga ,okwa hala okuuva aantu ta ya ula tate Kalunga omalaka.Ngele aantu ta ya galikana kuTate Kalunga oha geye nayi noonkondo.Oompwengu dhomusamane odheya sho a li a lombwelwa kutya na ka dhipage yina e ta tindi,okasamane okali ka geye e ta ke mu tumu komandoloma mbala.Ngashingeyi opwa pita omvula ndatu ta li moondoloma.Kambonde ehokololo ine li uva ando pamwe ineya ko kokasamane ha ka nika oshiponga kwaambonga ye wetekutya okena oonkondo ashike koshipala shaKalunga okanathangwa.Kambonde uuva ehokololo inee li uva ashihe shimwe ,kena nombinzi yomuntu ta yi hepa.Nande a li uuva nayi sho Kakondo a dhipagwa ngashingeyi kena ko nasha oshoka ombinzi yaKakondo oye mu pititha posheelo mpoka a li e na okusila naye.Kakadhona kondunda yawo okwa ziko ,Kambonde okwa uvu ta ka konkola ,ina pula nande kutya olye ta konkola ndele okwa ti owala ngu ta konkola ne ye mo.Epulo ndyoka ihali pulwa ,ngele omuntu ota konkola pondunda yoye tya owala neyemo ,ompango yomoompango dhomombala yokasamane.Kambonde okwa adhika e li mokapiti oshowo okambindja kuunamukwi,elalakano aniwa okwali kwa pupya nayi ,Kakadhona okweya a zala okahulweya okafupi oshowo okambindja okahupi hoka ka siikilila owala omagundji ,ekuvu okombanda.Shampa ka petama ngu e li konima yako okuna oku popya olwaala lwokankelo hoka keli kohi.Damn Kambonde shino ineshi mona nande onale ,okakadhona okali ta ka monika nawa momeho ge nongele okayi pondje e ta ka monika kaamentu oyendji oyena oku fuuka oshoka omeho gawo kagewete ko oyafa owala Kambonde ngoka a hala owala okulala nontana ndjika.Kakadhona nguno ini ilongela noku ulwa ontana nokuli mbela ota ulwa oshi*********.Oh satana omolwashike ta hepeke aana yaantu.Kambonde okwa tameke ta kwatakwata kakadhona,nako nduno mbela sho kehole iinima oka tameke oku mu kwata kwata woo ,ta ke mu thenga thenga mepunda ,okambindja okwe ka hulamo nokakadhona okali ka panda omafufu ngoka geli mepunda lye ,oya zimo mokakombitha e ta ya yi mondunda moka omo ya ka longela iilonga yawo.Iilonga yanyata ,iilonga mbyoka omushitwa kehe a pumbwa okulonga uuna a hokana.Uuna e na omusamane nenge omukulukadhi.Kakadhona okwali uuvite nawa ,Kambonde omundonga ,Kambonde iha dhana pombete.Sho ya mana okuninga uusatana opwa piti owala okathimbo okashona mo mondunda yaKambonde otamuya elume lyiikesho yu udha omithipa,Hayaya ndino shampa lye ku kwata oshili kakala ngaa inoo iningila.Olye ya nombili ,olye ya oku tseyithila Kambonde kutya ota pomulongo naye a ka lye uulalelo nokasamane.Ihashi ningwa olundji ,haayenda ayehe ha ya lombwelwa ngeyika ,aashona lela ha ya ithanwa ya ka lye pamwe nomutondi saatana.Onkundana ombwaanawa kuKambonde lela ,shono a li a hala unene ,okukamona okasamane ye ngiika ta pewa esiku ta kwathelwa.”Iyaloo shili ngiika konima yomasiku otandi shuna kegumbo”Kambonde osho a lombwele kakadhona konima sho elume lyomam’kesho lyashuna.Inaye li mona nande sho lyayi nokuli Kambonde okwali ti ipula kutya olya yelapo shoshiluli.Kakadhona kali nande uuvite nawa ,okuuvite nawa sho Kambonde iithanwa ,shoKambonde e li pokukwathelwa.Oku uva nayi okumpa kutya inaka hala ashuna.Okahala ngaa yakalepo ta ya ningi iinima yawo.”Oshili ngame ondiwete owala nda hala nokuninga omukulukadhi gwoye ,inothigandje po mumati gwandje,ondikuhole mumati gwandje”Osho Kakadhona a ti ngaaka.Ohaka ula Kambonde Mumati oshoka kakeshi edhina lye ye woo naye keshi edhina lyako.Hahah oshiyolithi nayi.Kambonde okwe ka tala nomeho gu udha ohenda ashike momwenyo okwe ka geela ,momwenyo oti ipopile ta ti”Ano ohamu lengwa ngaa yokombala huno nxi nenge ngweye ogwapeni ano ,tashiti sho wapatululindje iigulu yoye owahala kutya otandi ku hokana nale ,kandihole uugoya nande nande ,nenge owahala kutya kandina omukadhona ngu nda hala okuhokana ,ngame ondina Taatsu gwandje ngoka inaandi adha mehala lyuulunde mu” Sho iipopile ngawo okwa yamukula okakadhona ta ti”Hihihi ,aawe itandi ku thigipo nande shampa nda kwathelwa otandi pula okasamane ka pendje ompito yo ku ku tegelela. Kambonde osho ha longitha omutse ngaaka ,okwa kotoka nayi nokasamane ngele ota ka ende kashona kakala ngaa inee ka ulika kutya ye omunamakoto.Oowili odhali tahdi ende shaHima.Oya kala mondunda ta ya hapula ,yo ha ya ihupita ngaa.Etango sho lya ningine ,Kakadhona okwa shuna kondunda yawo,Uukadhona uukwawo owakala we ka tegelela ,sho we ka mono owi itala miipala e taw u yolo ashike ha unene.Oka hokololele shoka kakala ta ka ningi oshowo kutya Kambonde ote ka kuthapo.Kakeshi Kambonde ,inakatseya sha kombinga yaKambonde oshoka ando okali keshisha ando ita ka lombwele yakwawo kutya ota ka kuthwapo kuKambonde oshoka ye ota dhana owala nako ,okuna Taatsu gwe e mu tegelela ya ka longekidhe ohangi yawo. Omugoyi sho gwadhenge ,Kambonde okwi iyogo nawa e ta zala oshuta ye ndjoka yina ondilo ,oshuta ndjoka ye mu kosha omayovi omilongo mbali.Okwa hala e ku ulukile mboka ta ya ka kala poshitaafula kutya ye ohazala oshikutu.Okwa zala naanaa ngaashi omundonga e na okuzala ashike iindunge mbi yili momutse gwe ngashingeyi otayi lengitha aandonga shinene.Omagadhi agwawa nago ogondilo,oha ga uvika komuntu e li kokule.Okwa kala ta shoka shoka ongodhi ye a tegelela omulongo gu dhenge.Sho kuna ominute omishona komulongo ,elume lyomakesho olya galuka ,naasho lyashuna ,okuli monima yalyo e li landula e ta li mu fala mohoola yokasamane moka muna iikulya yoludhi kehe ,iipundi yilimo omatyofa ,ehala otali monika nawa shili.Okwa kuutumba pooha dhoshipundi shoka ewete kutya oshina kukala shokasamane.Manga nduno a tegelela ,okwa mono nkene okasamane kazala oshuta onduudhe ashike otayi tayima takeya.”Okali kazala omalyenge gondilo ,oolinga kominwe otadhi ti owala tayi tayi.”Onawa sho wathika mbala ,ame mwene nghiihole omunhu ha ende kashona ,shaashi otohalauka owala nda ninguluka”Osho okasamane kapopi ngaaka ,ta ka lumbakanitha oshindonga noshikwanya. E ta ka tsikile ko ta ka ti”Ohandili konima nda lombwela omuntu shoka e na okuninga opo ndi gwanithe po ehalo lye,shoka wahala onde shi tseya nale ,ouna okamwanyoko ko ka kadhona ,ondahala omutse gwako oshowo ombinzi yako ,shampa nde yi mono okutya noonkondo oshowo uupuna mbu wahala otandi wu kupe ,shampa inaandi wu mona okutya otandi ningile shoka ngweye itoo ka panda ,otoshi pandele shike nokuli ngele oto kala to matuka noondoloma to kongo iikutya,ouna esiku lyangula ,ndi tali ka landulako otandi ke ku ithana wu lombwelendje kutya owa tokola ngiini,hahahahhahahahah omutse gwokamwanyoko oshowo ombinzi yako.Hahaha ngele hasho haha itandi ku tumu komandoloma haha”Osho okasamane ka popi ngaaka ko ha ka yolo iindjola yimwe yanika iimbombo inaayipya nawa.Oshilonga Kambonde a pewa oshinene ,oshilonga oshidhigu.Okwi ikwata momutse e ta ti”Shuuuu kukuta nani”. Oya topolelwa iikulya mbyoka yali ta yi tokola elaka ,oondjuhwa dha kangwa dhimwe dhayothwa.Oyalile nawa shili ashike Kambonde okwali tali nomwenyo gwa lindimana. ... Tsikila okulesha.

Omasipa omanene Part 23. . Franstheauthor, 28 December 2015 11:27. yeli 14 ya tyakosha

"Iyoo hewa ,mwatumwa komusamane ngu ndeya kuye,oshili nawa ngele oye e mun tumu ashike ngele ota mu kengelele ndje omuna ku talelandje ,kandina ethimbo nane nokuli"Osho Kambonde a yamukula ngaaka omanga ta ende a landula uukadhona ye ta tala konima iikando oyindji ,okwali a tila ,a tila ta ti pamwe opuna omuntu te mu ziilile konima.Mehala a fala otali monika nawa ,okasamane oha ka zi pokuma pwa nika nawa ,ehala olya yela ashike iilonga mbi ha yi longwa mehala ndino inayi yela nande ,saatana oha kala a nyanyukwa shinene uuna ngele okasamane kalonga shomupondo ashike tate Kalunga aluhe okwa geya ,kutya nee okasamane na ka longe nawa kutya nee na ka longe nayi ,iilonga ayihe yako oya kaka komeho gaNampongo.Okasamane haka ngele oka si enota ,iha ka pula meya ,iha ka pula okatokele ndele oha ka pula oshinima oshitiligane shoka kehe omuntu e na okutila, shoka kehe omuntu inaa pumbwa okunwa ndele okasamane hano oha ke shi nu kehe siku osho ontaku yako.Ombinzi yomuntu.Oha ka geye uuna inaa ke yi nwa ,nokuli mboka yena iilonga yo ku ka kongela aantu ano ku ka dhipagela okena ku dhipaga po gumwe gwomuyo oshoka inaya iyutha nande koompango.Oh ompango yako ondhigu nayi ,ompango yo ku dhipaga aantu ,ngele we ka dhipagele aantu oyendji ongweye omunelago ,mombala yako esiku ndyoka ouna oku pupulwa komapepe.Ohenda shili oshoka aadhipagi kayena eha moshilongo shaKalunga ndele ota ya kapya komulilo moheli.Otaya ka mona iihuna.Iilonga yomutondi aluhe ngele oweyi longo nawa kohugunina oto ka mona iihuna ,oto ka pya moheli ashike nande owu igidhe to pula omeya kapuna nande omuntu te ge ku etele kutya nee osaatana yemwene ngu wa kala ho longele nokuli peha lyo ku ku etela omeya ote ku yolo" Kwaaaakwaakwak hahahahah" Okuna kuyola oongandja ndhoka ta dhi ku uvitha nayi moshili oto hale wu mu dhimbulukithe iinima mbyoka wakala ho mu longele ashike nande yi mu lombwela ote ku lombwele okandjugo ,okuna okupenya.Kambonde okwa taambwa nawa e ta pewa ondunda a kale ,okasamane kena ku ka mona esiku ndyoka ndele ota tegelele a tseyithilwe.Mondunda a tulwa omuwaanawa shili ashike omuna iinima oyindji ta yi limbilike"Omitse dhaantu ,oompadhi dhaantu ,iitoopolwa iiholekwa yaalumentu" Taa aanima mbano aadhipagi mba" Osho Kambonde iipopile ngaaka omanga a tala iinima mbyoka a tumbula.Kali nande ta monika a tila ,ina limbililwa .ngiika omolwa eshishi kutya otashi vulika a ka longe iilonga mbyoka ya longwa.Oh Kambonde gwaTaatsu ,oh Kambonde omusamane gwaTaatsu monakuyiwa.Omumentu a longwa ,omundonga e na oondunge ndele okwa tokola okulonga iilonga yapuka."Lombwela utale omukulukadhi ngono e ye kondunda yandje tu longepo uulonga manga inaandi mupa uupuna"Ewi lyombaatha osho lya igitha.Kambonde okwa dhiladhila kutya nalikale lyokasamane .Okuli mondjila ,okasamane okena ewi enene ,ando okali ha ka nu oombiila ando oto ti olya etwa komikonyo ashike eshitilwamo.Omilema odhali ta dhi endeleko naKambonde inaa yakulwa ,konima yethimbo okwa tseyithilwa kutya na ka pate ohauto ye oshoka ita kwathelwa esiku ndyoka ashike ongula nenge konima yomasiku gatatu nenge gane omolwa aantu mboka yeli komeho ge nale. Sho a yi pondje ,okwa mono omuntu e li kokule kashona.Sho e mu tala ota monika a fa Natangwe.Okwa kala a limbililwa ,ti ipula kutya pamwe omuntu oNatangwe shili" Ngele Natangwe oko iilile uupuna we huno ,ngele oye okweya ko ngiini huno nena ,onde mu mona ,ohauto ye ondeyi mona yathikama paandjawo manga Kakondo,oh manga nakusa Kakondo ineeya kungame"Kambonde osho iipopile ngaaka.Okwa pata ohauto ye e ta shuna kondunda ye.Sho nduno kwa toka nayi ,okwa tameke ta kwatwa kuumbanda ta wu etwa kiinima mbyoka yili mondunda ye.Keshi uvite nande kutya omolwashike naanaa iinima yatulwa mondunda ye ,okuwete yali yina okutulwa kondunda yokasamane."Shampa nda pewa oonkondo ndhi nda hala okutya Taatsu okuli melago ,itandi mu hokana nande omanga inaandi ninga munene"Kambonde oti ipopile iikando oyindji,Kambonde okwa tokola okuninga kehe shoka a hala.Mondunda okwa zimo e ta yi a ka kale omutumba pondje ,okwa adha po uunangula ta wu uvu okambepo ,Sho we mu mono owe mu ithana a ka kuutumbe nawo ,ina wu mu holeka sha owe mu lombwele kutya oweya kokasamane ke wu kwathele wun mone iilonga ha yi futu nawa.Nkene uuvu ndhino okwi ilatha komilunga kutya nee omolwashike oye mwene eshishi.Ine wu lombwela nande shoka ye eendela ,owa kala no ku mu kondjitha e wu lombwele ashike ina wu pondola sha.Shampa a ti shontumba itashi ningwa nena itashi ningwa.Owa sholola e ta wu tameke okupopya omahapu ogendji ,ogaali ngaa gena omulyo onkene naye okwa gandja ngaa uutya wontumbwa.Oamdhiladhilo ge ogeli komuntu ngwiya a mono ,omuntu gwiya a fa Natangwe.Kamwe komuunangula sho ke mu mono a gwa pevi oka thikama e ta ke mu kala omutumba komatundji.Okatyole ,okolela onkene ine ka undula ko nande unene tuu sho ka tameke ta ke mu hupita.Uukwawo owa kala wa tala ko ,sho nduno Kambonde a hala oku ulika kutya aandonga kayeshi omakatalume naye okwe ka hupita e te ka yambulapo nokwa ende u uka kondunda ye nako ye te ka hupita ngaa."Huh tegelela ,inandi tuta natango ,ngweye owuna ngaa noongumi,inandihala onyama konyama oshoka okusa mbala kakushi nande okuwanawa"Okakadhona osho ka ti ngaaka ,ta ka lombwele Kambonde ngoka aadhika ta hulamo nale okapendi kako."Mbela omolwashike kakadhona nguno a hala twa longitha ongumi ,okwa tila omukithi ye inaatila ku ka longithwa iilonga yanyata kokasamane ,kashinasha andiya wala ndi ka tale oongumi kohauto oshoka itandi ka etha nande ,olutu lwako halwo lwo ku ethwa"Osho Kambonde iipopile momwenyo ye ta matuka nale u uka kohauto a ka tale oongumi ,sho a galuka okwa adha okakadhona keli ngaashi ka valelwe.Omayeye okwa pona ,omeho okwa kutitha ngashingeyi okuna kulonga iilonga mbyoka a li a ka talela oongumi. KONIMA YOMINUTE OMILONGO NE-Kambonde okwa pandula kakadhona omolwa uulalelon mboka ke mu pe.Nako oke mu pandula.Esiku lya landulako okwa mono etango nkene ta li endelele ,omutenya gwatsa lela ,aantu tayali omwiha"Otashi vulika itaandi kwathelwa nena ashike kashina mbudhi oshoka nande onda pangwa konima yomwedhi otandi kala owala nda nyanyukwa"Kambonde ti ipopile omanga ta tala ongodhi ye ngele oyili nawa.Meni lyegumbo otayi longo nawa nokwa adhako uutumwalaka uhamano auhe waza kuTaatsu ,sho e wu lesha ,okwa yamukula ta gandja ombili oshowo etompelo kutya omolwashike inaa yamukila mbala.Etompelo lye olyali kutya kokuma hu e li omakuthikuthi omankundi nayi.Taatsu okwa galula mbala ta ti"Osho shina kukala ,onde shi ipula ngaa,longa wi itulamo mumati gwandje,ngele wagaluka tseyithilandje ndi ku tsile oshikwiila".Okwe yi lesha mbala e ta pula ngele Natangwe ota piyagana."Aawe Natangwe inandi mu mona nande nena ndali ngaa ndaya nopuundunda nda konga ethimbo ndele aaye ,ngiika okuli ngaa kegumbo ,sha kumithandje osho shino kutya okwali etanga nena ndele inayako kuundunda ,okwe ku fa kehole kutala etanga megumbo nenge okwa lundula waalye ,shoka itandi shi tseya"Taatsi ta yamukula.... Tsikila okulesha.

Omasipa omanene Part 22. . Franstheauthor, 26 December 2015 14:26. yeli 13 ya tyakosha

Aamati mbaka yaali oya tsile iiwe oshita ,iiwe yontaku ,oyali ya kumwa nawa ,oyali yanwa ontaku no yu uvite ombili.Yu uvite ombili yopokathimbo ,inaya tseya kutya komeho okuna uudhigu,uudhigu mboka ta wu vulu okutokola omaso gawo ayehe.O Land Crusier oyi sinde omafululu onkene kayali nande yana okutila.Momuthitu gwotango inaya thika ashike oyeli popepi ,Kakondo okwa tameke ta pushu ,shino osha ulike kutya okwali ngaa nokaumbanda nande kali a hala okushi ulika.Omeya ngono ga tondoka moshipala she ge mu sitha ohoni.Kambonde okwi imemeha ,kali nande a hala okuyola mukwawo oshoka otashi vulika a ka kale muupyakadhi ndele Kakondo naye te mu yolo.Ekambamba olyali ta li katuka moshili ,oya tsakanene naantu mondjila ,yamwe ota ya zi kokamukunda hoka yu uka omanga yamwe oyo mikunda ngaa dhopopepi.Ohauto yawo oyali ta yi talika nawa unene kuunona mboka ya adha mondjila taw u dhana okatanga kokoompadhi oshowo edhiwa oshowo aamentu yamwe ta ya dhana etenda.Ethimbo oshimaliwa ,kayena nande okuli hepeka nokukala yatala uudhano onkene Kambonde okwa hingilile ,sho a tala kowili oh otayi endelele”Okati na ka lale wani ,inandi hala ndi ka thike kwa toka”Osho Kambonde a popi ngaaka ye ta gwedha ko komahooli ,Kakondo okwali a panda ,uuvite nawa sho ohauto ta yi matuka ,ye ta dhiladhila iinima mbyoka ta ka landa uuna a ninga oshipuna ashike okwa kala ngaa a limbililwa kuKambonde”Omumentu nguno omwati a hala naanaa shike ,iimaliwa okuna nale ,oohauto okuna dhondilo”Osho Kakondo iipopile ngaaka.Eeno Kambonde okuna iimaliwa ,ndele okwa hala oonkondo ,okwa hala okulela ,okwa hala a kale omuleli e na oonkondo no ha tilika ,inahala okuninga mwene gwomukunda ,inahala oshikandjo ,okwa hala okuninga minister gwiimaliwa ,shampa nduno a mono oonkondo ,ota vulu okuninga kehe shimwe shoka a hala ,iimaliwa otayi ka kana ndele kapuna nande ngoka te ke mu fekela.Okwa hala a kale hayi mombaanga ,ta falamo iimaliwa ndele e ta ngwangwaneke omuniilonga gwomombaanga a tule oshimaliwa sha pitilila kokambo ke.Omadhiladhilo gapuka nayi ashike Kambonde okuwete kutya ogeli mondjila,natango oh ape ngaa Natangwe ombedhi ,aniwa Natangwe kali e na okulanda ohauto tango kuye ,aniwa Natangwe kali e na oku iyamba a tungile omukunda okakilinika.Ondjila oyali ta ye yi pambula ,oshinano oshali ta shi iyeta koongolo,omuthitu gwotango oye gu wete ,omitima dhawo odha dhenge konima sho ye gu mono.Kapuna omuntu ihaatila momithitu ando okwali embungu pamwe hwepo ,aniwa kapuna embungu hali tila mofuka ,Kambonde ngiika ngele a ningi embungu ,ita ka kala we hatila mo.Sho ya thiki popeti Kambonde okwa popi ta ti zeni mondjila ndi pite ngame e ta hiki woo ombenda iikando oyindji ,shika osho hashi ningwa momuthitu nguka ngele owahala okupita inashifa momuthitu omitiyali moka wuna okukondja ngele oto ende kashona.Naitsuwe opo wala a penduka ,nokwa hokolele yaandjawo kutya okwa yaguma mumwaina Kambonde ta tidhwa komanima omaluudhe gomandjafufu,ondjodhi oyali ya kumitha kehe gumwe.Naitsuwe oye a landula Kambonde ,oye onkelo oshoka oyali yavalwa owala yaali.Naitsuwe ontana yolela ,ontana ha yi lesha omambo ,kayili nande mopolotika ngaashi mumwaina ashike oyahala okuninga ondohotola ,oya hala oku panga aantu nokuli kwa tokola a longe oomvula oonshona onga ondohotola ye e ki ilongele uupasitoli ,okwa hala woo oku uvitha evaangeli ,okwa hala oku uvitha ohapu yaTate Kalunga ,okwa hala oku pukulula aantu ngaashi yooKambonde.”Andiya manga ndiye kongulu yomambo”Osho a lombwele aakuluntu ye ngaaka ,aakuluntu mboka ta ye mu tekula.Okuli momvula ye ya hugunina koUniversity of Namibia.Kambonde naye okwa leshele omambo nokoUniversity oko a li ,iilongela opolotika ashike okwa ningi ethimbo pegumbo oshoka aniwa okwa tegelela a koke nawa opo a kondjele ombelewa yuuministeli wiimaliwa.”Oh twa pitimo mwaanguka kuume ,paife okuna gwa hugunina opo tut hike kokamukunda”Kakondo osho a popi ngaaka konima sho ya pitimo momuthitu gwotango.Kena nande okutya okuna gwa hugunina ,ndele okuna okutya okuna lya hugunina ,meme ethitu lyili komeho enene,ethimbo olina iinima oyindji.Kambonde okwa komona komutse nokutya eewa.Opo ta ya hingi ,oya tsakanene nokakadhona okawanawa ,kazala iikutu iitokele oke ya popitha ashike inaya itayela ,Kakondo okwa adhika a lombwela nale Kambonde kutya ngele ya popithwa mondjila komuntu inaye mu itayela.Okakadhona haka shampa omuntu a popi nako okutya methitu ita pitimo we.Shalongo pwali Kakondo oshoka ando Kambonde okwi ile oye awike ando okwa popya nontana ndjika nokuli ando okwe yi pula a lale nayo.Ondjila ya kutha oye ya fala muudhigu.oye ki iyadha yeli pokati kaantu oyendji ya zala iikutu iitokele.Oh mbela omolwashike aanima mbano inaaya zalela iikutu iiluudhe ,otaya ningi shike miikutu yaayengeli.Yo kaeshi nande aayengeli ashike aapagani,ngiika oya hala ngaa ya monike yena ohenda ashike ohenda muyo oyapwamo thilu.”Mpano opuna iihuna mpa ,ngele ita tu ikanyuna kandishi wo ngele ota tu hupu”Osho Kambonde a lombwele kuume ke ngaaka omanga ta kutha ondjembo ye.Kakondo sho e yi mono ,okwe mu lombwele e yi shune po oshoka ngele oya monika ota ya dhipagwa.Kambonde okwa pulakene e ta zimo mohauto,omukuluntu gwongundu yaSatana sho e mu mono ,okwi imemeha e te mu lombwele ta ti oyena elago oshoka oyeli yaali.Peha lyokunyanyukwa ,Kambonde okwa li a ngwangwana”Tulu yaali ndele otuna elago ,nenge okwa hala kutya ota tu vulu okupita shaashi otuli yaali”Osho iipopile momwenyo ngaaka.Omukuluntu gwongundu okwa dhiladhila kutya gumwe gwomuyo kena mpoka ta yi ,okuna okudhipagelwa po ethitu ,aniwa aakuluntu oya etha nale okulya mokambinzi,Kakondo okwa zimo naye mohauto ta kakama ,a tila.Omukuluntu gwongundu sho e mu mono okwa tameke ta komona komutse ,e te ya lombwele ya hogolole pokati kawo kutya olye ta dhipagwa.Iihuna ,ngele owahala ithana elomwelo ndika iilonga iidhigu kombala.”Aye hangame nande tandisi”Kambonde naKakondo osho yi ipopile moomwenyo ,kehe gumwe okwatila okusa.Ashike kayena shoka ta ya vulu okuninga ,omukuluntu gwikangundu ngele a tokola ,ihashuna we monima.Kambonde okwa kutha ongodhi ye mondjato a tale kutya owili ongapi ,koScreen kakunasha ,oya tema ndele kewe te sha.Okwe yi shuna mo e ta shuna mohauto a ka dhiladhile shoka e na okunina”Ngame ndise ,aawo hamanga ,Kakondo oye wala e na okuya tatekulu ,ye noho okwa hala owala iimaliwa ,maala aanima mbano kayena oondjembo ,mbela ngele onde ya tomeke nooholo itaya pipo ngaa”Osho Kambonde a kala nokwi ipula ngaaka.”Haiti otamu manapo efimbo lootatekulu ,ovahala okunwa mokahonde”Okamatyona kamwe osho ka popi ngaaka.Okamentu hano okali okatilithi nayi ,kena oompadhi dhithike pegulu lyokatololi ,oonyala dhako odhali nomapanyala omale ,omafufu gako gokomutse oha ga kookoloka pevi uuna ta ka ende.Kamonde okwe ka tala neho lyondhino e ti ipopile momwenyo ta ti”Ah lombwela oohokolu ya kalale mani ,tse aalument...manga ashike inaa mana nokupopya ,okuwete nale Kakondo ta topolwa.Oh oshikwashike shatya ngeyi ,Kakondo a dhipagwa kaanima mbaka,Oshali sha uvitha nayi Kambonde nande eshishi kutya paife otavulu okupita inaakondja ashke okuwete eenda kashona ,okwali e na okuyaha mbala ando Kakondo ina dhipagwa,Okwa hwameke ohauto ye e ta tsikile nondjila ye ,methitu okwa ka pitamo inaa mona nande owo uudhigu washa.Aakolokoshi yomethitu oya lombwelwa nale kutya naye mu ethe a pite nombili.Okuza methitu ,omiti dhaziza a thikile ,omiti dhomayapela ,omiti dhomandjembele ,omamango omapapawe ,omandjembele nodhindji ,okamukunda okaziza nawa ,okamukunda ota ka monika nawa”Ando opwali ngaa pwaana ethitu ndiya ando ondeya ndi tunge egumbo lyandje mokamukunda mu”Kambonde ti ipopile omanga ta toonona omandjembele a lye.Kagena shoka ta ge mu ninga ,omiti dhimwe odha mena okudhodhene omanga odhindji dha kunine kaakolonyeki yoshilongo.Kambonde okwali a nyanyukwa okukala mokamukunda muka.Okamukunda nande ka ziza nawa ,kakena mbili ,omo muna okasamane hoka ha ka gandja uupuna oshowo oonkondo.Opo elipo ta tula omandjembele mepunda ,okwi iholelwa kuukadhona uyali wazala oonguwo oontokele,owe mu popitha ashike ine wi yamukula oshoka okwali a tila ta ti pamwe shampa a popi nawo ota si.”Haha wooi popya utale natse ,shiya wa lombwelwa otushishi ,tse katuna shoka ta tu ku ningi ,otwe ku tumwa komusamane ngoka weya kuye”Kamwe komuukadhona osho ka lombwele Kambonde ngaaka.... Tsikila okulesha.

Omasipa omanene Part 21. . Franstheauthor, 23 December 2015 14:21. yeli 14 ya tyakosha

Eeno omusamane Mbwalu okuna onkundana ombwanawa ,okuna onkundana ombwanawa ndjoka yina okunyakula Kambonde shinene ,onkundana ya za komusamane ha tilika koyendji pomukunda ,omusamane Nendongo ngoka a zimina opo okamwana Taatsu ka hokanwe po koshipuna Kambonde shoka shili inaashi gwanenwa noshahala okuka konga oonkondo oshowo omauyamba.Iihuna shili.Omutondi ngele a tokola okuku longitha okuna okushi ninga ndele ngele owakotoka oto mu lombwele kutya ngweye okanona ka tate Kalunga ,He gwiigwana ayihe.Omusamane Mbwalu okwa popitha e ta itayelwa kuKambonde.Kambonde okwa hala okuuva shoka shazi kaandjawo yontana yeTaatsu.Okwa popitha omusamane Mbwalu ye ta yolo iindjola yimwe inaayi gwana nawa okandungu nomongwa”Hihi”. Oshigwana oshapukithwa kuSatana shoshili ndele natango oshina ethimbo opo shikale shashuna kOmuwa ,oheli oko yakala shoshili naamboka yi ilongelamo otaya ka pilamo ,omutondi ngele te ku longitha aluhe oha kala a nyanyukwa ashike ngele tate Kalunga e ku zimbulamo muuyuni nethimbo lyoye lyokuya koheli lyathikana ,Satana kena we nangweye ,ite ku sile henda nande okashona ,okuna oku ku undulila momulilo.”Hwiya okwali kuuwanawa ando nandi kale ngaa handi tumwa ngeyi ,oshili itandi tindi nande,omusamane Nendongo naNekulu lye oya zimina opo omumati gweni Kambonde a hokane omwana ,omukadhona sho a ka pulwa naye okwa zimina”Osho omusamane Mbwalu a ti ngaaka komeho gaakuluntu yaKambonde naKambonde ye mwene.”Wilili ,iyaloo mumati gwandje ,iyaloo Sheeli”Yina yaKambonde ta ligola ye ta tanga omwana ,uuvite enyanyu shili.Oyendji yomukunda oyu uvu nkene ta ligola ,yaandjawo yaNatangwe inaya thigwako nande nokuli Natangwe oye e mu uvu tango e ta kala a limbililwa”Hee ngele Kambonde a tokola oku e tha Taatsu e ta hokana po okanangula kamwe ndele ngele osho a ninga shono otandi mu pandula nokuli ondina okumu landela nongombe ,ondina oku mu tselela”Osho Natangwe iipopile ngaaka ,inatseya sha natango ,keshishi kutya Kambonde kena siku a thigepo Taatsu ,oku mu hole nayi.Kambonde ngashingeyi okwa manguluka ,esiku lyangula okuna oku ka mona Taatsu opo ya tokole kutya otaya hokana uunake ,ongulohi yesiku ndyoka omposi ineyi mona mo nande momeho ge ,okwa kala ta dhiladhila nkene ohango ye ta yi ka kala nankeen ta ka kala oopala oshowo omufuko gwe ,ikutu yawo okwa tokola e ke yi lande koshilandopangelo ndele ongele a galuka kokamukunda hoka tayi na kuume ke omupe ,Kakondo.Esiku lya landula osho lyathikana ,okwa tumine Taatsu okatumwalaka e ta ya tsakanene pehala ewawawa momukunda gwawo ,Kambonde okwayi ko noBMW ye opo ngaa a ka ulukile Taatsu kutya omumentu te mu hokana iha ende we koompadhi ndele ota undula omatemba gondilo.Taatsu sho a mono Kambonde ta heluka mohauto ye okwi ikwata komulungu ,a kumwa oshoka kali nande a tegelela Kambonde e ye nohauto ombwanawa nokuli kali a tegelela Kambonde teya noshitukutuku.Oya papatelathana e ta ya ikundu nawa ,pehala mpoka oya kalapo lela ethimbo ta ya kundathana noyatokola ya hokane ngele pwa piti oomvula mbali oshoka ndji tayi landula ko otaya ka tseyika manga yo ndjiya ta ya tameke okulongekidha iinima ayihe e ta ya hokana nduno nawa mwaandji ta yi ka landulako.Oyi ihole nayi ,inaya endelela.oyena omukumo kutya itaya iyetha.Sho ya mana okukundathana ,Kambonde okwayi mohauto ye e ta zimo nokapakete kena okalyenge komothingo oshowo owili nokalinga hono e ka tula komunwe gwaTaatsu a tsa oongolo ye te mu pula e mu hokane.Iinima iiwanawa ,onkalamwenyo osho yi lilepo ,oyina iipyu niitalala oyina omashongo woo ogendji oshowo omasindano ogendji sho osho yamwe haye yi ula kutya kayili nande nawa.Taatsu okwa tameke ta lili konima yoku zalekwa okalinga ,ta lili omahodhi genyanyu ,uuvite nawa ,uuvite ombili ,uuvite uunambano.Mbela Kambonde omolwashike a halela okuya kokamukunda hono kuna iiponga ye e na nale Taatsu gwe ngono oye uuyamba we.Manga inaaya shuna komagumbo Taatsu okwa pula ngele otavulu okuhinga ko kohauto ya Kambonde ,ina tindilwa nande.Ano sho yayi oye a yi tahingi sigo opuuyanda waandjawo e ta gandja oshipatululo kumwene a ka thike kegumbo.Oya hupitathana e ta ya lalekathana naKambonde okwa shuna kegumbo e ki ilongekidhile ondjila yokuya ,ondjila yokuya kokamukunda hoka naye mwene a tila ,kokamukunda hakutilika ndele ohakuzi oonkondo oshowo uupuna.Okwaza aasamane iipuna ashike oya yileko oohepele nopaife otaya hingi omahauto gondilo.Omuntu ngu ha handja uupuna mbono okasamane komeho geli miikololo shampa we ka tala oto hale wutye ihaka monoko ndele oke weteko nawa nokuli ohakati okena aniwa omeho omanene nayi ,kakena omafufu komutse ano okena po ongwala yimwe hayi tayima shimwe tonyengwa ,omafufu gako gomoohwapa omale gatsa moshiya.Komafufu oko nduno ha ka kala ta ka gumu manga omuntu ta popi shoka a hala shampa wa mana okupopya ko ota ka ethako e ta ke ku lombwle shoka wuna okuninga nongele inoshi ninga okutya otoyi ooheyali yamwe ohaya kala nawa oshoka oha ke ya pula owala omwaalu goshimaliwa ,mbaka aanelago ,oyendji mboka yena omipya mbela dhokomazimo gawo ohaya pulwa ya fale iilyo yolutu lwomuntu ,yamwe ohaya tindi nohakeya yono ,omuntu e ka dhengele omusamane gumwe ngoka ngashingeyi e li omusita gongalo ,pomathimbo a li ohepele okwayileko kokasamane haka e ta ke mu lombwele a fale egundji limwe lya meme gwe ,okwa tindi e ta yi kongeleka komusita gwawo ngoka e mu galikanene ndele ina kwatwa kosha ,okuza mpono okwa mono kutya ohapu ya tate kalunga onene no ihayi nyengwa kusha ,okwa tameke ta lesha ombiibeli ye kehe siku ya ha galika woo iitulamo lela ,sho ohapu e yi tseya ,okwa yi koPaulinum hono e ki ilongela uusita nokuli ta kwathele aantu oyendji mboka ta ya hepekwa komauvu oshow koombepo dhanyata,aluhe ote ya lombwele kutya ohapu ya tate Kalunga ombwana ,negalikano ohali kwathele.Kambonde okwayileko kongeleka huka siku limwe ashike mbela oohapu ya li ya lombwelwa okwe dhi dhimbwa .Esiku lyokua sho lya thikana,okwa longekidha oLand Cruiser ye e ta lombwele Taatsu kutya otayi kuAngola noongeshefa dhe ,naa kuluntu ye okwe ya lombwele oLubango.Okwa lalekwa nawa nonguta e ta tula okataasi ke mohauto ,okena oshimaliwa shathika poondola omayovi omilongo hamano.Okwa tula woo okandini kontaku mohauto niinima oyindji ,mwakwatelwa iikutu ye.Kakondo sho a thiki molwaasho okwa li manga a ka pita kontana ye e yi lombwele kutya otayi kuAngola ,oya hwameke etemba lyawo e ta ya yi.Ohali vulu oku thigapo ehala moshili nosho lyali tali ningi ,Kakondo okwa lombwele mukwawo kutya ngele oya endelele otashi vulika yathike kuyele ,etango inaali yamo.”Inotila ,etemba ndino epe kuume ,omahooli olina ,ondina woo omandini geli gaali gomahooli nda ningila ngele otenga yapu”Osho Kambonde a yamukula ngaaka omanga a a dhika ta patulula oRadio ya pulakene uungalo opo ngaa ondjila yikale ombwanawa.Oya kala nokupopya ,oya kala nokuhapula ashike sho ya hingi ko oshinano oshile kashona yo ohauto ta yi tameke okumatuka shinene oya mwena nuungalo owo wa kala taw u popi ko.Kakondo kokamukunda yu uka okwa tuminako nale okatumwalaka ,nokasamane oke ya tegelela ,uupyakadhi owuli ashike mpako kutya otashi vulika yakale inaaya yakulwa mbala oshoka okuna aantu oyendji nayi nayo ta ya kongo omakwatho.Sho natango ya hingi ko oshinano ,oya thikama e ya vululukwepo ,yo yi idhenge ngaa montanku.”Kamwaameme ,otuli atuhe ,inandi hala nande ngele twa adhika kuupyakadhi wu fadhuke po nenge wi isitamene kaya ,kala omulumentu oshoka ngele owatokola okuya kokamunda huno owuna kukala omulumentu lela ,owuna kukala wuna omatondo”Osho Kambonde a lombwele mukwawo ngaaka ,keshi kutya e na oku lombwelwa ndhika oshoka Kakondo okwa tokola a mana ,ngele okwa adhika koshiluli okuna okushi nyaya.Etango olyali ta li ende ,Kakondo shi ta ti ,okuna owala ookilo oonshona yakale ya thika ashike oyena oku pita momithitu dhili mbali ,omutiyali owuna kukala omulumentulumentu opo wu pite mo,omuna omasipa omanene.... Tsikila okulesha.